Për një periudhë të gjatë, Real Madridi dominoi futbollin evropian me Toni Kroos dhe Luka Modric si shtyllat kryesore të mesfushës.

Dyshja legjendare u nda verën e kaluar kur Kroos u tërhoq nga futbolli, ndërsa Modric u transferua te Milani në fillim të këtij viti, duke mbyllur një epokë 13-vjeçare të mbushur me trofe në kryeqytetin spanjoll.

Gjatë kohës së tyre së bashku, Modric dhe Kroos fituan gjithçka që mund të fitohej, përfshirë tre trofe radhazi të Ligës së Kampionëve nga 2016 deri në 2018.

Megjithëse Real Madridi ka në dispozicion talente si Aurelien Tchouameni, Eduardo Camavinga dhe Federico Valverde, asnjëri prej tyre nuk ka ende aurën dhe ndikimin e dyshes ikonike.

Këtë verë, Los Blancos kanë qenë aktivë në merkato, duke nënshkruar me Dean Huijsen, Alvaro Carreras, Facundo Mastantuono dhe Trent Alexander-Arnold. Megjithatë, largimi i Modric ka lënë një boshllëk të dukshëm në mesfushë.

Mesfushori i PSG-së, Vitinha, është përfolur si një objektiv i mundshëm për Real Madridin, pas një sezoni të shkëlqyer në kryeqytetin francez.